Gihagit si Vice President Sara Duterte ni House Speaker Martin Romualdez nga atubangon niini ang mga ginaphigayong pagdungog sa House Committee on Good Government and Public Accountablity, labot sa hisgutanan sa confidential funds sa Office of the Vice President (OVP) ug sa DepEd.
Sumala pa ni Romualdez, nga angay na matud pang atubangon ni VP Sara ang mga hearings sa kongreso, gumikan aron nga wala nay madamay pa nga mapa contempt nga mga opisyal sa iyahang opisina.
Samtang, ginapangusgan ni Senadora Risa Hontiveros nga dili na madungagan pa ang nakataganang pondo sa OVP alang sa musunod nga tuig.
Matud pa ni Hontiveros, nga og ugaling muabot matud pa sa botohan kini nila sa Senado, usa matud pa siya ang dili muuyon nga dungagan ang pondo sa OVP.
Anaa sa P733 Million ang pondo karun sa opisina ni VP Sara human nga gitapyasan ang orihinal niining request nga anaa sa National Expenditure Program nga mukabat sa P2 Billion.
Samtang nagatuo usab si Ako Bicol Partylist Rep. Jill Bongalon, nga kinahanglang muatubang na sa pagdungog sa House Committee on Good Government and Public Accountability si VP Sara, inay nga magsige kinig luwat og mga pamahayg nga naluoy kuno kini sa iyahang mga tauhan nga maoy ginapaatubang sa maong pagdungog.
