DAVAO CITY – Kapin 4,500 ka mga indibidwal ang mitambong sa seminar kalabot sa road traffic rules ug libre nga license renewal ingon man registration ngadto sa mga nagkadaiyang Barangay lakip na sa mga hilit nga lugar sa dakbayan pinaagi sa Land Transportation Office (LTO) caravan.
Una ng gibutyag ni Konsehal Jesus Zozobrado nga ang nahisgutan nga caravan nagtumong sa pag-edukar sa tanan nga mga drivers ug motorista kalabot sa traffic system ingon man mohatag usab ug impormasyon nga makatabang sa pagprotekta sa mga drivers ug pedestrians.
Gikanayong matag bulan ipahigayon ang LTO Caravan nga magtanyag sa pag-isyu ug student permit, drivers’ license renewal, motor vehicle ug motorcycle registration renewal ingon man motorcycle drivers road safety awareness seminar ug orientation.
