Gisuspenso ni Department of Public Works and Highways (DPWH) Secretary Vince Dizon ang tanang road reblocking operations sa tibuok nasud human sa pagkadiskubre sa mga giingong anomaloso nga proyekto sa Bulacan ug Cagayan.
Sumala ni Dizon, gawas lang sa walay klarong takna nga suspensyon ang mga maintenance works nga tinuod nga gikinahanglan ayuhon tungod kay daot ang kalsada.
Giinsistir niini nga posibleng gina-negosyo sa ubang kurap nga opisyal ang mga reblocking projects, busa imbestigahon kini ug patubagon ang tanang malambigit niini.
Dugang pa sa kalihim, kabahin kini sa serye sa mga reporma nga iyang ipatuman sa DPWH aron batukan ang korapsyon.
Lakip sa mga bag-ong lakang nga ipatuman mao ang mas hugot nga silot ug mga seguridad sa mga proyekto sa flood control ug slope protection, ug ang Citizen Participatory Audit, aron mas abri ug transparent ang pagdumala sa mga proyekto sa ahensya.
