DAVAO CITY – Gawas sa mga surveillance swab testing nga gipahigayon karon sa Crocodile Park ning siyudad sa Davao, gi-andam na sab karon ang Rizal Park ning siyudad aron nga mas daghanan pa ang ma-akomodar nga ipailalom sa swab test.
Una ng gibutyag ni Davao City Mayor Inday Sara Duterte nga aduna nay gipahimutang nga tent aron nga dili na ma-initan ang mga tawo sa higayon nga sugdan na sa maong dapit ang swab testing.
Apan gitino sa Mayor nga dili pa kini abli alang sa pagsuroy-suroy gumikan kay hugtanon pa sab karon nga gidili ang pagtapok-tapok tungod sa pagpadayon nga bahad sa Covid-19.
Samtang padayon sab karon ang swab testing sa Brgy. Ilang sa Tibungco, Brgy. Talomo River sa Calinan, ug Brgy. Toril lakip na sab ang mga district health offices ning dakbayan.
Libre lamang sumala pa kini ilabi na kung makasinate ug mga sintomas nga susama sa covid-19.
