Nakabsan sa kinabuhi ang usa ka rider kagahapong adlawa sa Davao Coastal road human nga kini nahaybol.
Sumala pa sa gipagulang report sa Davao City Police Office – Traffic Enforcement Unit nga nahitabo ang maong insidente bandang alas 12:50 sa udto sa Talomo bridge, Davao Coastal road, Brgy. Matina Aplaya ning dakbayan sa Davao.
Subay sa report sa kapulisan nga ang nalambigit sa maong disgrasya mao ang usa ka suzuki motorcycle nga gipanag-iyahan ug gimanehuan ni Joven Asong dela Peña, 45-anyos ug residente sa Samantha Homes, Catalunan Pequeño ning dakbayan.
Base sa inisyal nga imbestigasyon, ang maong motor ang naglawig sa Davao Coastal road gikan sa Punta Dumalag padulong ngadto sa Talomo Cemento.
Apan, pag-abot sa nahitabuan ang maong motorsiklo ang nabangga ngadto sa concrete gutter nga miresulta nga nawad-an og kontrol ang rider ug nahulog kini ngadto sa road pavement.
Gumikan sa maong panghitabo, nakahiagom og physical injury ang maong biktima og bandang ala 1:20 sa hapon, gideklara na kining patay sa attending physician niini.
