Kabsan sa kinabuhi ang usa ka motorcycle rider human kini malatayan og trailer truck duol sa palengke sa Tibungco, pasado alas-11 sa buntag, Septyembre 27, 2025.
Matud pa sa inisyal nga imbestigasyon, nagmaneho ang biktima sa iyang motorsiklo sa maong dapit dihang kalit kining naabtan sa dako nga sakyanan.
Wala pa natino ang eksaktong hinungdan sa aksidente.
Samtang gisulayan usab og tabang sa mga rescuers ang laing indibidwal nga nadala sa insidente.
Ang duha ka biktima gipaingon dayon sa duol nga ospital aron matambalan.
Padayon pang ginasuta sa kapulisan ang tinuod nga panghitabo samtang gidala na sa presinto ang drayber sa trailer truck alang sa dugang nga imbestigasyon.
Gipahinumdoman sab sa mga otoridad ang mga motorista nga magbantay ug magmatngon sa dalan aron malikayan ang samang disgrasya.
