Nakaplagang nagbitay sa iyang balay si Ricky Hatton, kini ang nahimong resulta sa imbistigasyon kabahin sa iyahang kamatayon.
Ang 46-anyos nga si” Hitman” Hatton, nakaplagan nga “wala na maglihok” niadtong Septiyembre 14 sa iyang balay sa Greater Manchester, nga gisugilon sa Manchester South Coroner’s Court sa iyang manager nga si Paul Speak.
Nakadungog ang korte sa detalye sa pagkakaplag sa lawas ni Hatton nga gisaysay sa police coroner’s officer nga si Alison Catlow.
Kahinumduman nga abri si Hatton nga mibutyag kabahin sa iyang mga isyu sa panghunahuna (mental health) human siya miritiro sa boksing sa ikaduhang higayon human sa dili maayong pagbalik sa ring niadtong 2012.
Sa usa ka interview kaniadtong 2016, iyang gisaysay ang iyang pakigbisog sa ilimnon ug druga ug gipadayag nga nakasuway siya og pagpanghilabot sa iyang kaugalingong kinabuhi sa pipila ka higayon.
Human niini moapil sa usa ka walay puntos nga exhibition batok kang Marco Antonio Barrera sa Mexico niadtong 2022, gipahibalo ni Hatton niadtong Hulyo nga mobalik siya sa ring alang sa usa ka professional nga duwa sa Dubai karong Disyembre.
