DAVAO CITY – Padayon ang panawagan sa Reproductive Health and Wellness Center (RHWC) head Dr. Jordanna Ramitterre sa publiko nga pahimuslan ang mga libre programa sa ahensiya ilabi na karong nagsingabot nga Valentines Day.
Usa sa gitanyag karon sa ahensiya ang libre nga pagpanghatag ug condom sa mga couples kini aron masiguro nga malikayan ang HIV/AIDS ug uban pang sexually Transmitted disease (STD).
Sumala pa kang Dra. Ramitterre nga abli ang ilang buhatan sugod alas otso sa buntag hangtud na sa alas singko sa hapon matag lunes hangtud biyernes. Kalakip sab sa ilang libre nga serbisyo ang HIV/STI testing, Hepa testing; HIV screening ug counseling.
Gitataw sab sa nahisgutan nga wala mi-undang ang ilang pagpanerbisyo sukad nga nagsugod ang pandemic apan limitado lamang kini gumikan sa gipatuman nga healtg protocols.
