DAVAO CITY – Pinasahe nga dinapit si Pangulong Rodrigo Duterte ug kanhi Pangulong Fidel Valdez Ramos atol sa retirement honors ni Police Regional Office (PRO) 11 Director Police Chief Supt. Manuel Gaerlan karong umaabot nga Augusto 16.
Ang duha ka mga opesyal mao ang manguna sa mga bisita sumala kang Police Chief Inspector Melgrace Driz, tigpamaba sa PRO-11 nga hugtanon na nila nga gipangandaman ang retirement honors ni Gaerlan nga tambungan sa daghanan nga mga bisita lakip na ang mga kanhi Chief PNP nga sila si Police Director Gen. Ricardo Marquez, Bucor Chief Ronald Bato Dela Rosa.
Gibana-bana nga mokabat ngadto sa dosientos ka mga dinapit nga mga bisita ang motambong sa nahisgutan nga mga bisita.
Himoon ang retirement honor sa Grand Stand sa Camp Quintin Merecido alas 2:00 ang takna sa hapon.
Nangandam na ang PRO Eleven sa retirement ni Gen. Gaerlan isip Regional Director sa PRO-11 apan wala pa gihapon masayri kung kinsa ang posibling ipuli sa mabakante nga pwesto sa opesyal.
Wala pa’y napagula nga kamandu-an si Police Director Gen. Oscar Albayalde.
