Patay ang usa ka retiradong Kapitan sa Barko human nga gidunggab sumala pa sa iyahang (Boy helper) sa balay. Subay sa report sa kapulisan, ang biktima usa ka 62-anyos nga residente sa Apollo St. Brgy. Buhangin Proper ning syudad sa Davao.
Sa gihimong inisyal nga imbistigasyon sa mga otoridad, pasado alas Dos ang takna sa hapon niadtong Marso Kinsi, nakit-an na lamang nga nagbuy-od na ang biktima sa sulod sa iyahang panimalay. Sumala pa sa mga otoridad,nakaangkon og samab ang biktima sa iyahang liog ug tuo nga bahin sa ulo gamit ang kutsilyo.
Sa pagkakaron, padayon pa usab sa pagpangita ang mga otoridad sa suspek nga misibat human sa maong panghitabo nga nasayra’ng helper sa biktima nga taga Brgy. Mabunao. Panabo City nga ginganlan og alyas Jason. Hustisya usab ang panawagan karon sa kabanay sa biktima. Samtang ginasuta sa mga otoridad ang motibo sa krimen.
