DAVAO CITY – Gipasakaan na og kaso ang usa ka retired police ug usa ka babae human nga nasakpang nagdula og kalayo sulod sa usa ka Inn ning dakbayan sa Davao.
Sa imbestigasyon nga gihimo sa Sasa Police Station, giila ang duruha nga sila Edgar Allan Marces, usa ka retired police ug si Rowena Raquel Fernandez. Kasong adultery ang gipasaka batok kang Rowena ug Concubinage ug paglapas sa R.A 9262 o Violence Against Women & their Children’s Act in relation to Emotional & Psychological Abuse ang gisang-at na batok sa retired police.
Una nang nagtrending sa social media ang usa ka video nga mismong nasakpan gayud sa asawa ang iyang mister nga adunay kasalo sa lawasnong kalipay ibabaw sa kama niadtong Setyembre 7, 2022, adlaw nga Miyerkules sulod sa usa ka Inn.
Ning kasamtangan, naka-angkon og temporaryong kagawasan ang babaye human kining makapyansa samtang pabilin pa nga anaa sa kustodiya sa Sasa Police Station ang maong retired police.
