DAVAO CITY – Ulahi na ang pagmahay sa usa ka retirado nga magtutudlo human kini nadakpan gumikan sa paghupot ug armas.
Una ng naila ang dinakpan nga si Almad Mohammad Mantog, 62 anyos, residente sa Brgy. Tamnag, Lutayan, Sultan Kudarat.
Gikanayong samtang gipahigayon sa mga personahe sa Task Force Davao (TFD) ug kapulisan ang inspeksiyon sa sakyanan sa suspek sa checkpoint sa Brgy. Sirawan Toril, narekober matud pa sa sling bag niini .45 cal pistol.
Kahinumduman nga hugtanon nga gidili ang pagdala-dala ug armas karung panahona gumikan sa nagpadayon nga Gun Ban gumikan sa nagsingabot nga eleksiyon.
Dali nga gi-endorso ang nahisgutan sa Toril PNP alang sa tukma nga disposisyon. Kasong paglapas sa Election Gun Ban ug Illegal Possession of Firearm ang atubangon ni Mantog.
Subli nga nagpahimangno ang kapulisan sa publiko nga dili magdala-dala ug armas arun nga dili mag-atubang ug reklamo.
Nagpabilin karon sa kustodiya sa kapulisan ang dinakpan ug maghulat lamang kini sa musunod nga kamandoan sa korte.
