Andam sumala pang mopailawom sa lie detector test si retired judge ug karon nga Philippine Charity Sweepstakes Office (PCSO) Chairman, Felix Reyes ang hagit ni Julie Patidongan “alyas Totoy” nga usa sa mga akusado ug whistleblower sa kaso sa mga nawagtang nga sabungero.
Kini ang iyahang gibutyag kahuman niining gilimod ang pasangil ni alyas Totoy nga gipaareglo niya ang kaso alang sa negosyanteng si Atong Ang.
Gikwestyon usab ni Reyes ang timpla o timing sa pagbutho sa maong akusasyon batok kaniya, ilabi na nga kasamtangan siyang nag-aplay alang sa posisyon nga Ombudsman.
Apan matod pa ni alyas Totoy, kinahanglan pa niya saboton ug ipahibalo kini daan sa iyang abogado sa wala pa siya moapil sa lie detector test.
Sa nakalabay nga mga adlaw, giakusahan na usab ni alyas Totoy si Reyes sa pagbiyahe kuno sa gawas sa nasud uban sa mga piskal ug uban pang mga hukom, alang sa giingong pag-areglo sa kaso.
