Gilauman sa Department of Justice (DOJ) nga posibleng mo-abot sa lagpas nga usa ka bilyon ang kantidad sa kwarta nga i-uli sa mga testigo sa estado o state witness sa kaso sa flood control.
Gipahayag ni Justice Usec. Nicholas Felix Ty, kini kuno kung masunod ang kasabutan sa ahensya sa mga nahisgutan ubos sa ‘Witness Protection Program’.
Matod pa mukabat sa 1.5 billion pesos ang makuha sa gobyerno kung ibalik sa upat nga gitudlong state witnesses sa flood control projects anomaly cases.
Sa kasamtangan, adunay upat nga gipahibalo ang DOJ kung si kinsa ang mubarog ug napiling state witness sa nahisgutang mga kaso.
Kini sila si former Department of Public Works and Highways Undersecretary Roberto Bernardo, Henry Alcantara, Gerard Opulencia ug kontratistang si Sally Santos.
Gipneguro usab nga ang tanang nadawat nga gi-uling kwarta ang dokumentado o adunay resibo.
