Davao City – Nagpadayon ang imbestigasyon labot sa drug paraphernalia nga nakita sulod sa CR s international arrival area sa Davao International Airport.
Sumala pa ni Chief Insp. Eugene Balugo, chief sa Davao International Airport Police, nga ang janitor sa tugpahanan nanghinlo sa CR sa mga lalaki sa dihang iyang nakit-an ang iton nga pouch.
Hinungdan nga dali nga gi-turned over sa nahigsutan ang maong butang ngadto sa pulis, ug sa dihang pagsusi sa naka-duty nga police officer iyang nakita ang duha ka lighters ug needle, tooter, ug gamay nga plastic sachet nga duna pay residue sa gitoohang gindali nga druga sulod sa pouch.
Dali usab nga gi-turned over sa Philippine Drug Enforcement Agency (PDEA) XI ang maong butang.
Sumala pa nga sa karon padayon pa nila nga gi-determina kung kinsa ang nanag-iya sa maong bag nga gamay.
Sumala pa ni PDEA officer-in-charge Naravy Duquiatan nga wala pa silay ebidensiya kung kinsa ba ang nagbilin sa maong butang sulod sa CR.
Apan dako ang pagtoo ni Duquiatan nga sa mga presensiya sa anti-drug agents sa airport dakong tabang aron nga masikop ang bisan unsa mang iligal nga druga nga ipalusot sa mga pasahero.
