DAVAO CITY – Hugtanong gisaway ni Davao City Councilor Luna Acosta ang desisyon nga i-relieve ang 35 ka personnel sa Davao City Police Office (DCPO) nga konsiderahong “political”.
Nipalabang og resolusyon si Acosta nga nagsuporta sa pamahayag ni Mayor Sebastian “Baste” Duterte nga nagkondenar sa pagtangtang sa mga opisyal sa DCPO, lakip na si city director Col. Richard Bad-ang, ug 34 ka personnel niadtong Mayo 25.
Giaprobahan sa 20th City Council ang resolusyon atol sa gisuspinde nga mga lagda niini niadtong Mayo 28.
Gipasiugda sa resolusyon ang panawagan alang sa transparency ug accountability sa pagdumala sa maong butang ug nanawagan sa PRO XI, partikular na sa Regional Internal Affairs Service (RIAS) XI, sa paghatag usa ka dali ug walay pagpihig nga resolusyon sa imbestigasyon.
Gitawag sa committee chair on peace and public safety nga “coordinated attack” ang maong kalihukan batok sa administrasyong Duterte.
Gikatakdang ipatawag sa Davao City Council ang Regional Director sa DILG ug ang mga sakop sa Regional Internal Affairs Service sa PRO XI sa musunod nga sesyon sa Sangguniang Panglungsod.
Gikuwestiyon sab ni Acosta ngano kinahanglan nga iapil sa away sa politika ang trabaho sa mga tawo, gikuwestiyon kung kini ba ang balaod o usa lamang ka irrational ug dilii matag-an nga tumong sa usa ka administrasyon.
Sa wala pa matangtang ang mga opisyal sa kapulisan, nikanaog sa iyang katungdanan si Senador Miguel Zubiri isip senate president, gisundan sa pagtudlo kang Presidential Assistant for Eastern Mindanao Secretary Leo Tereso Magno isip Mindanao Development Authority Secretary ug ang pagpahawa niini kang Mabel Acosta.
Gitudlo ni Pangulong Rodrigo Duterte si Acosta, nga inahan ni Councilor Luna, nga mangulo sa MinDA niadtong Pebrero 2022 nga adunay gitakdang unom ka tuig nga termino.
Matod niya nga makapahuyang sa moral sa DCPO, ilabi na sa mga station commander nga “highly seasoned” ang dinaliang pagtangtang sa mga opisyal.
