DAVAO CITY – Mihatag ug katin-awan si Davao City Mayor Inday Sara Duterte Carpio kalabot sa nahimong pahayag ni Pangulong Rodrigo Duterte nga miduso sumala pa siya ug resignation letter pagka-Mayor.
Sumala ni Mayor Inday dili na angayan pa nga hisgutan ang mga nahitabo sa milabay nga panahon nga dili na matud pa mag-relate sa kasamtangan.
Gikanayon sab sa opisyal nga aduna siyay gihatag nga sulat kaniadto sa iyang amahan apan wala sumala pa gibutyag sa Pangulo ang tibuok unod niini inay ang unang bahin lamang sa sulat nga nagkanayong dili niya buot nga mokandidato ang iyang amahan isip Pangulo gumikan kay dili sumala pa kini kinahanglan apan sa ulahi nga bahin sa maong sulat, suportado matud pa niya kung unsa man ang mamahimong desisyon sa Pangulo hinungdan nga nakadesisyon sab siya nga subling magpapili isip Mayor sa dakbayan.
