DAVAO CITY – Giangkon ni First district representative Paolo Polong Duterte nga siya mismo ang mihangyo sa mga partidong Hugpong sa Tawong Lungsod ug sa Hugpong ng Pagbabago nga tangtangon si kanhi konsehal Nilo “Small” Abellera gikan sa nahisgutang mga partido.
Sumala pa ni Polong, iyang gipa-pili ang duha ka mga partido kung kinsa kanila ni Small ang mopahawa o magpabilin.
Walay pagduha-duha nga gibutyag sa batan-ong Duterte nga dili gayud niya madawat nga ika-uban pa sa partido si Abellera human siya ma-angin ug ang iyang bayaw nga si Atty Mans Carpio sa issue nga gikalambigitan kaniadto sa kanhi konsehal labot sa pagpalusot ug illegal nga druga.
kahinumduman nga niadtong Agosto sa tuig 2017 gipailalom sa imbestigasyon sa senado si Polong ug Atty Mans human gilambigit sa 6.4 million pesos nga kantidad sa shabu nga gipalusot sa nasud gikan China.
Human sa maong panghitabo, hingpit nang giputol ni Polong ang iyang pakighigala kang Small gumikan sa gihimong pagpaka-ulaw niini ngadto kaniya.
