DAVAO CITY – Gina-kalkula lamang gihapon sumala pa sa lokal nga kagamhanan ang kinatibuk-ang kantidad alang sa ipahigayong renovation sa City Hall building sa dakbayan sa dabaw.
Kini ang gibutyag ni Davao City Mayor Sara Duterte Carpio, dungan ang pag-angkon nga wala maka-comply ang city hall sa safety requirements alang sa mga panghitabong sunog ug linog.
Na-una nang gi-angkon ni Mayor Inday ngasobra na ka karaan ang gambalay sa city hall gani subli na kining gipabarug human ang ikaduhang gubat pangkalibutan ug mi-agi na usab sa pipila ka mga renovations ug extension sa nakalabay nga mga katuigan.
Gani, gikanayon sa mayor nga naa nay plano nga i-renovate ang kiinatibuk-ang sulod nga bahin sa city hall apan, nalisidan sumala pa sila sa pagpangita ug budget alang niini.
Apan gitin-aw niini nga dili mamahimong hilabtan ug usabon ang gawas nga bahin sa gambalay gumikan kay hugot kining gidili human gi-sertipikahan isip heritage building sa National Historical Commission (NHC).
Sumala sa mayor gina-kwenta pa nila ang magasto apil na ang arkila sa building nga temporaryong gamiton sa mga maapektuhang opisina.
