Gikanayon ni Justice Secretary Jesus Crispin Remulla nga usa ka timailhan nga nakasupak matud pa sa balaod si Vice President Sara Duterte, gumikan sa gipadayag niining komento labot sa iyahang kuykuyon matud pa ang lawas sa kanhing Pangulo nga si Ferdinand Marcos Sr. ug ilabog kini sa West Philippine Sea.
Sigon pa ni Remulla nga ang maong namugna nga pamahayag ni VP Sara nagapakita lamang matud pa og pagkawalay respeto sa usa ka patayng lawas.
Kahinumdumang gibutyag kini ni Duterte sa usa ka press briefing niadtong Oktubre 18, diin gibaharan matud pa niya si Senator Imee Marcos sa ilahang group chat nga og dili matud pa muundang ang mga atake batok kaniya, iyaha matud pa kadtong buhaton.
Samtang wala sab naghatag og pagpaklaro si Remulla og unsa nga partikular nga legal issue ang mamahimong malambigit kang VP Sara, apan gipunting niini ang pagkawalay respeto lamang sumala pa sa usa ka namatay maoy mahulog karun sa pag suta pinaagi sa pagtuki sa legalidad aron ibatok ngadto sa mga gipangyawyaw ni Duterte.
