DAVAO CITY – Mukabat sa 200 ka mga stakeholders ang kumpirmadong mosalmut sa Regional Youth Advocacy Council (Ryac) National Convention set karung adlawa hangtud ugma, Marso 23 sa usa ka Hotel ning dakbayan sa Davao.
Ang maong aktibidad paluyohan sa National Youth Commission (NYC) diin tumong niini nga magbaton ug panaghiusa nga pagpaningkamut sa mga nagkadaiyang ahensiya sa paghatag ug serbisyo ngadto sa mga kabataan.
Laoman sumala pa nga mamahimong guests si Davao City Mayor Sara Duterte-Carpio, Compostela Valley Governor Jayvee Tyron Uy, ug NYC officials sa pagpanguna sa Chairperson nga si Aiza Seguerra.
Tapukon sumala pa sa NYC ang tanan nga mga youth-serving members-agencies lata sa tibuok kapupud-an aron nga palig-onon pa ang partnership ug makamugna ug mga programa nga makatabang sa mga isyu nga gi-atubang sa mga kabataang Filipino ingon man pagpanday ug mga adbokasiya nga manalipud sa mga kabataan.
Gikanayong ang mga kabataan gikonsidera isip usa sa mga vulnerable sector sa katilingban hinungdan nga kinahanglan mohimo ug mga lakang kung paunsa matabangan ang mga nahisgutan sa ilang panginahanglan.
