Nadakpan sa kapulisan ang Number 4 Most Wanted Person sa Davao Region, atol sa manhunt operation nga gipahigayon buntag sa Abril 2, 2026 sa Sto. Tomas, Davao del Norte. Ang suspek giila nga si Ronnel, 30 anyos, minyo, usa ka laborer ugresidente sa Purok 7-B, Feeder Road 2, Barangay Tibal-og sa maong lungsod. Gilusad ang operasyon batok sa suspect subay sa warrant of arrest nga suspek nga gioagawas ni Hon. Minerva Paqueo Pepino Estremos, Presiding Judge sa Family Court, 11th Judicial Region, Branch 3 sa Panabo City, Davao del Norte niadtong Pebrero 26, 2026.
Subay sa rekord sa korte, ang suspek nag- atubang og 15 ka mga kaso lakip na ang 12 ka ihap sa statutory rape ug tulo (3) ka ihap sa sexual assault. Samtang, gipasigarbo usab ni PCol Glenn Cristines, Provincial Director sa Davao del norte Police Provincial office ang kapulisan sa Sto.Tomas sa padayon gihapong operasyon bisan pa sa panahon sa Semana Santa, padayon gihapon ang operasyon niini batok sa kriminalidad. Sa pagkakaron, gipailalom na sa kustodiya sa kapulisan ang suspek samtang ginahulat ang dugang nga legal nga proseso.
Samtang, gipasalig sa Davao del Norte Police Provincial Office (DNPPO) nga magpadayon ang ilang kampanya batok sa mga wanted person, ilabina niadtong mga nalambigit sa heinous crimes, aron mapanalipdan ang kaluwasan sa komunidad.
