Dili pa gihapon luwas nga kaonon ang tanan nga klase sa mga shellfishes ug pasayan gikan sa Balite Bay sa Davao Oriental subay sa bag-ong pagtuon nga gipahigayon sa Bureau of Fisheries and Aquatic Resources (BFAR) hinungdan nga gipahimangnoan niini ang publiko nga taas pa gihapon ang red tide sa baybayon.
Gawas sa Balite Bay sa Davao Oriental, gidili sab sa BFAR ang pagkuha, pagpamaligya, pagpalit ug pagkaon ug shellfishes ug pasayan sa pipila ka mga coastal areas sa nasud human nga nagpositibo sab sa paralytic shellfish poison ang pipila ka mga baybayon sama na lamang sa Western Samar partikular na sa Daram Island, Cambatutay Bay, ug Irong-irong Bay.
Apektado sab niini ang coastal waters sa Leyte, Mabarinao bay sa Eastern Samar, Dauis ug Tagbilaran City, Carigara Bay sa Leyte, Puerto Princesa Bay, Gigantes Island sa Iloilo, ug baybayon sa Biliran Province.
Sa usa ka hinabi, gikanayon ni BFAR-Davao Regional Director Fatma Idris nga bugtong shellfishes ug crustaceans ang sagad nga delikado gumikan kay mokaon sumala pa kini ug toxic algae nga hinungdan sa red tide.
Dugang ni Idris nga ang mga isda ug uban pang seafood ang luwas nga kaunon basta kay limpiyohan lamang kini pag-ayo ug kahaon ang mga tina-e.
