DAVAO CITY – Luwas na matud pa nga kan-on ang mga kinhason gikan sa Balite Bay sa Davao Oriental ug sa baybayon nga sakop sa Sta. Maria Davao Occidental.
Sumala sa Bureau of Fisheries and Aquatic Resources (BFAR) 11 nga gitangtang na nila ang red tide alert sa nahisgutan nga mga lugar gumikan kay nag-negatibo na toxicity level ang mga kinhason subay sa ilang gipahayon nga pagtuon.
Gikanayon sab ni Fatma Idris, head sa BFAR 11, wala nay angayan nga kabalak-an kadtong mga nanginabuhi ug tahong ingon man kadtong namaligya niini gumikan kay luwas na kini nga kaonon.
Apan bisan nga nag-negatibo na sa red tide ang mga kinhason sa nahisgutan nga lalawigan, gitambag pa gihapon sa opisyal nga kinahanglan hugasan pa gihapon kini ug tarong aron nga makasiguro nga luwas kini nga kaonon.
Nasayran sab sa ahensiya nga ang red tide hinungdan sumala pa sa pagbag-o sa klima ilabi na kung sobra kainit ang panahon.
Gitambagan sab sa opisyal kadtong mga nag-culture ug mga tahong ingon man mga isda nga magpa-acredit sa BFAR aron nga masiguro nga mamonitor kini ug maaksiyonan sa higayon nga adunay mga insidente nga mahitabo sama na lamang kung maapektohan kini sa redtide.
Resources (BFAR) 11.
