DAVAO CITY – Nagpaabot og hinabang ang Philippine Red Cross – Davao de Oro Chapter sa mga pamilya nga naapektuhan sa nahitabong landslide sa Purok Waling-waling, Barangay Mainit, Maco, Davao del Oro.
Nag-set up ang mga personahe ug volunteers sa Red Cross og mga Swiss tents nga temporaryong puy-an sa dose ka pamilya nga nagub-an ug puloy-anan tungod sa pagdahili sa yuta sa lugar kaniadtong Enero 14 nga resulta sa nagpadayong ulan.
Nag-deploy sab ang Philippine Red Cross og usa ka search and rescue team nga mag-assess sa lugar.
Kahinumdumang 24 ka pamilya ang apektado sa landslide, 6 ka balay ang totally damaged samtang 7 ang partially damaged.
Sa pikas bahin, gitino sa opisyal sa Barangay Mainit nga wala nadaot o nahubsan ang tubig ang Bilawa Mountain Hot Waterfalls kon Mainit Hot Spring nga usa sa mga ginadayo sa lugar.
Sigon ni Punong Barangay Michelle B. Lim, nagpabiling operational ang maong tourist spot, ug matud pa gibalhin sa pikas nga bahin ang tubig aron dili maapektuhan ang sulfur content nga naghatud ug init nga temperatura sa tubig.
Wala sab naapektuhan ang maong lugar sa landslide nga nahitabo sa miaging adlaw.
Temporaryong gipasirad-an ug una ang maong tourist spot apan ablihan kini sa publiko kon mutin-aw na ang tubig sa maong bukal.
via || Bombo LJF
