Gipresenta ni Major General Alvin Luzon, Commander sa 10th Infantry (Agila) Division, ang kasamtangang kahimtang sa seguridad ug ang nagpadayon nga mga lakang alang sa kalinaw ug seguridad sa Davao Region atolsa 1st Quarter 2026 Regular Meeting sa Regional Development Council XI niadtong Marso 5, 2026 ning dakbayan sa Davao.
Subay sa presentasyon, gipakita ang audiovisual report sa Agila Division nga nakalatid sa padayon nga paningkamot sukad sa 2022 nga deklarasyon nga insurgency-free ang rehiyon.
Gitutukan niini ang mga programa sa pagpugong sa posibleng pag-uswag pag-usab sa insurgency, pagtabang sa implementasyon sa mga programa sa gobyerno alang sa kalamboan sa rehiyon, ug paghatag og suporta sa mga komunidad aron mapalig-on ang seguridad sa lokalidad.
Gipasidunggan usab sa RDC XI ang papel sa Agila Division sa pagmintina sa lig-on nga kahimtang sa seguridad, nga nagpasiguro sa padayon ug hapsay nga implementasyon sa mga proyekto ug serbisyo sa rehiyon.
Gibutyag sa report ang kamahinungdanon sa kolaborasyon tali sa security sector ug development stakeholders aron mapadayon ang nakab-ot nga kalinaw, malikayan ang bisan unsang hulga sa seguridad, ug mapaabot ang inklusibong kalamboan sa Davao Region alang sa tanang katawhan.
