Niubos ang ranking sa Pilipinas sa Corruption Perception Index 2025.
Sumala sa gipagawas nga listahan, anaa sa ika-125 nga pwesto ang Pilipinas gikan sa kinatibuk-ang 182 ka mga nasod.
Ang maong listahan gibase sa datos sa anti-corruption monitor nga Transparency International.
Gisukod niini kung unsa ka-grabe ang korapsyon sa public sector sa matag nasod.
Gihiusa niini ang mga ebalwasyon gikan sa 13 ka mga rating agencies sa 182 ka mga nasod, diin gihatagan og ranking gikan 1 hangtod 182 base sa scoreboard nga ang 0 nagpasabot og “very corrupt” ug ang 100 nagpasabot nga limpyo.
Nakatala ang Pilipinas og iskor nga 32, nga mas ubos sa global average nga 42, maong nahimutang ang nasod sa ika-120 nga ranggo.
Mas grabe kini kung itandi niadtong 2024 diin nakakuha ang Pilipinas og 33 puntos ug anaa kini sa ika-114 nga pwesto.
