DAVAO CITY- Gumikan kay dili malikayan ang mga mapahimuslanon karong panahon sa Covid-19 pandemic ilabi na kadtong nagatanyag ug loan sa Social media diin pakaulawan ug i-post ang mga pangalan kung madelatar ang pagbayad sa mga nanghiram ug kuwarta, gidoble pa karon ang pagpanubay niini sa mga sakop sa Regional Anti-cybercrime unit aron nga masikop ang mga mipaluyo niini.
Sumala pa kang P/Capt. Julius Santillana, head sa RACU-11, mikabat sa 285 ka mga reklamo ang ilang nadawat sukad bulan sa Marso hangtud na Oktubre ning kasamtangan nga tuig.
Pipila niini ang gilangkuban sa online libel, identify theft, pagsolicit ug kuwarta ug daghanan pa.
Nagpadayon sab sumala pa karon ang ilang panawagan sa katawhan ingon man pagpatuman uga programa aron nga magbaton ug igong kaalam ang publiko ug dili gilayon mabiktima sa pagpangilad.
