Nagtuo ang mga lider sa Quad Committee sa kamara nga adunay lig-ong ebidensya nga nagpamatuod nga adunay reward system gipatuman sa war on drugs sa administrasyong Duterte.
Kini ang gipahayag ni Surigao del Norte Rep. Robert Ace Barbers, Manila Rep. Bienvenido Abante Jr., ug Santa Rosa City Rep. Dan Fernandez homan ang gikumperma ni retired police colonel Edilberto Leonardo sa affidavit ni retired police colonel Royina Garma, nga gihatagan ug reward ang mga pulis nga nakapatay sa drug suspect.
Ang reward system ang hinungdan kung nganong mitaas ang extrajudicial killings sa war on drugs campaign sa nakalabayng administrasyon.
Samtang nagtuo usab si Barbers nga dako ang matabang sa testimonya ni Leonardo ug Garma sa gihimong premilinary investigation sa Department of Justice.
Kanhi commissioner sa National Police Commission (Napolcom) si Leonardo apan nag-resign kini homan gilambigit ang pangalan sa pagpatay kang Philippine Charity Sweepstakes Office (PCSO) board secretary Wesley Barayuga kaniadtong tuig 2020.
