DAVAO CITY – Angayan sumala pa nga usahon lamang sa mga probinsiya ug siyudad sa Region 11 ang ilang QR code systems kini aron nga mapalambo pa ang contact-tracing efforts sa mga area ngadto sa mga indibidwalo nga posibleng natakdan sa coronavirus disease (COVID-19).
Sumala pa kang Dr. Cleo Fe Tabada, head sa Regional Epidemiology and Surveillance Unit of Department of Health (DOH)-Davao, nga mas labing maayo nga mogamit ug synergized platform aron nga momugna ug mas dakong contact-tracing system ilabi na karon nga gawasnon na ang mga tawo nga mogawas palibot sa rehiyon.
Kahinumduman nga sakop sa Davao region ang mga probinsiya sa Davao de Oro, Davao del Norte, Davao del Sur, Davao Occidental, Davao Oriental ug dakbayan sa Davao.
Samtang gikanayon ni DOH-Davao assistant regional director Lenny Joy Rivera nga ang Davao del Norte ug Davao del Sur migamit karon ug QR codes nga dakong tabang sa ilang contact-tracing efforts.
Gi-awhag sab ni Rivera ang mga tawo nga nga suportahan ang estratehiya alang sa hinanali nga pagsubay sa mga naapektohan sa Covid-19.
Gitataw sab ni Tabada nga usa sa mga hagit nga gi-atubang karon sa pagpatuman sa sistema sa Davao del Norte mao ang kapakyas sa pipila ka mga establisyemento nga makonekta niini.
Samtang sa bahin sa Davao City Police Office (DCPO), gibutyag ni Police Capt. Rose Aguilar nga walay problema kanila ang gihatag nga lugway sa pagparehistro sa QR code human nga nakasinate kini ug technical glitches kini tungod mapangandam sab sila ug taas nga panahon ug matabangan kadto wala pa nakaparehistro ilabi na kadtong walay mga smartphone o walay internet connection.
