Arestado ang usa ka purok leader human nga maglider-lider sa pagpayuhot og droga atol sa gikasang operasyon sa Pag-asa Street, Barangay 23-C, ning siyudad, pasado alas 8 gabii, Agosto 13, ning tuiga.
Subay sa rekord, giila ang dinakpan nga mao si Monib Pamlian, 52 anyos, lumad sa Marawi City, apan kasamtangang nagpuyo sa Brgy. 23-C, Boulevard ning siyudad.
Atol sa pagrekisa, nakumpiska sa otoridad gikan sa dinakpan ang P1,000 ug 99 ka mga printed P1000 isip paon sa kapulisan atol sa pagbinayluay og droga ug kwarta sa otoridad tali sa suspek.
Nakumpiska sab ang duha ka cellphone, motor ug helmet. Mikabat sa 190 grams ang gibug-aton sa drogang nakumpiska nga mibalor og PP1,292,000.
Ang dinakpan napasakahan na og kasong kalapasan sa RA 9165 kon sa Comprehensive Dangerous Drugs Act.
