Viral karon sa social media ang daghanan ka mga iro nga mga pungkol nga diin makita sa maong video nga gipangbutangan kini ug ligid.
Makita niini nga hilabihan usab ka malipayon ang mga iro gumikan luyo paman sa ilahang nasinatian nga disability, nakaako gihapon kini sa pag dagan-dagan sa palibot.
Kini nga panghitabo sumala pa dugay na kini nga ginabuhat nga inisyatibo sa pipila ka mga residente sa nasud Thailand.
Kasagaran sa mga iro nga napungkol ang uban gikan na rescue sa mga naga-ihaw ug iro, ang uban usab nakuha gikan sa mga daplin sa kalsada nga naligsan ug mga sakyanan.
Dili lamang ang mga iro ang nangalipay, apan lakip na usab ang mga naglantaw sa maong video ug mga netizen and daw murag gikumot ang ilahang kasing-kasing samtang nagalantaw sa mga pungkol nga iro nga nag dinaganay pinaagi sa tabang sa gimuntar nga ligid sa ilang tumoy nga bahin sa ilahang lawas.
