DAVAO CITY – Nagprotesta tibuok adlaw ang mga militanteng pundok sa dakbyan sa Davao atol sa kasaulogan sa Mayo Uno nga adlaw sa mga mamumuo.
Sumala pa kang carlo Olalo, Secretary General sa Kilusang Mayo Uno (KMU) Southern Mindanao nga subling panawagan nila ngadto sa kagamhanang Duterte nga tas-an ang suholan sa mga mamumuo ug wagtangon na sa hingpit ang contractualization sa mga mamumuo.
Gisugdan sa mga mamumuo ang ilang kalihukan pinaagi sa martsa protesta gikan sa Magsaysay Park, ingon man sa UCCP Haran, Father Selga, Madapo Hills, ning dakbyan sa Davao.
Wala makahatag ug katin-awan ang KMU kung ngano nga kinahanglan nga sunogon sa mga rebeldeng NPA ang Box Plant ug Plastic Plant sa Lapanday Food Corporation sa Mandug.
Hinoon sumala sa grupo usa ka gamay nga butang lamang kini kung itandi sa pag-antus sa mga yano nga mga mamumuo sa kasamtangan.
