DAVAO CITY – Gibutyag ni First District Councilor Tek Ocampo nga anaa pa gihapon ang donasyon sa gobyerno sa Japan niadtong tuig 2018 nga nagkantidad og kapin 5 billion yen o lapas P2 bilyon alang sa pagpatukod sa waste-to-energy project sa siyudad.
Sumala usab sa opisyal nga nagpaabot ang lokal nga panggamhanan sa pagtugot sa National Economic Development Authority alang sa maong proyekto, nga nanginahanglan og counterpart fund nga dili moubos sa P3.486 bilyon gikan sa national government alang sa dugang donasyon nga gitanyag sa Japan International Cooperation Agency kon JICA.
Suportado matod pa niini ang maong proyekto gumikan nakalapus na kini sa implementation stage ug gi-aprobahan na kini sa nakalabayng konseho.
Gihulat na lang sab ang mamahimong tubag sa NEDA alang sa budget requirements.
Nagpadayag sab ug suporta ang DOE ug DENR sa maong proyekto.
via || Bombo KMG & Bombo LJF
