DAVAO CITY – Igo na lamang sa pagmahay ang usa ka Pulis human nga gipusil niini ang lain pa nga pulis.
Gipaslak karon sa presohan sa Buhangin PNP ang suspek ug gi-andam na ang patong-patong nga kaso batok sa suspek nga si si Police Corporal Richie Cuberos, 31 anyos, residente sa Barangay Miranda Babak Island garden City of Samal ug sakop sa Sta. Ana Police Station.
Una ng migula sa ulahing imbestigasyon sa Buhangin Police station, nga gituohang hubog ang nasangpit nga pulis sa dihang gibadlong kini ni Police Corporal Arcenas.
Miadto sumala pa sa lugar si Corporal Arcenas human nga nakadawat ug impormasyon nga adunay nagkagubot sa ATM booth sa Southern Phils. Medical center (SPMC) compound diin ang suspek nga si Cuberos ang nagpasiugda.
Gikanayong nasuko si Arcenas dihang gitambagan kini ni Cuberos nga mopauli na lamang sa ilang panimalay gumikan kay lango na kini sa ilimnong makahubog.
Mikuha sumala pa sa iyang service firearms ang suspek dayon gipusil si Arcenas apan maayo na lamang kay nakababag kaniya ang poste.
Misibat pa ang suspek paingon sa Barangay Wilfredo Aquino Agdao human ang insidente apan nasikop pa gihapon kini sa otoridad sa gipahigayon nga hot pursuit operation.
Paslak karon sa presohan ang dinakpan ug naghulat na lamang sa mosunod nga kamandoan sa korte.
