DAVAO CITY – Nakagawas na sa presohan ang usa ka Police officer nga una ng gisikop human nga nag-maoy kini sa Barangay Los Amigos, Tugbok District sa milabay nga adlaw.
Mipahimutang sumala pa ug piyansa si SPO1 Remegio Soreño Briones Jr., 36, desk officer sa Baguio Police Precinct, ug P4,000 ka pesos alang sa iyang temporaryo nga kagawasan.
Una ng gipasakahan ug grave threat ug malicious mischief si Briones sa Office of the City Prosecutor.
Giresolba ang kaso si Prosecutor Joseph Mamburam.
Kahinumduman nga una ng gipangdaut ni Briones ang 300 ka mga hollow blocks.
Miadto sab ang nahisgutan sa pinuy-anan ni Verginia Malusay Leguid ug giti-onan kini sa iyang dala nga armas.
Gisikop si Briones human nga miadto ang usa ka Analy Erimia sa Tugbok police aron nga mangayo ug pakitabang.
Sa kasamtangan gi-andam na sab ang kasong administratibo sa Tugbok police batok kang Briones.
