DAVAO CITY – Pasakahan na karong adlawa ug grave threat ingon man malicious mischief ang usa ka aktibong pulis ning dakbayan sa Davao nga gikanayong hubog ug nani-on ug armas samtang naghurumentado sa lain nga pinuy-anan.
Una ng nahitabo ang insidente pasado alas siete sa gabii sa Lot 12 ug Lot 2 sa Barangay Los Amigos, Tugbok District, dakbayan sa Davao.
Gikanayong naghupot isip Senior Police Officer 1 ang akusado ug nadestino sa Baguio Police Station ug residente sa Wellspring Village, Barangay Catalunan Pequeño, ning dakbayan.
Sa imbestigasyon sa kapulisan, unang na-agian sa maong paulis ang pinuy-anan sa usa ka Analy Mabitad Erimia, 38, residente sa Lot 2 sa maong lugar ug gikanayong gipangbuak sa nahisgutan ang 300 ka mga hollow blocks ug nag-wild ang pulis.
Gawas niini, miadto sab sa pikas kanto sa lot 12 ang suspek ug kalit sa panimalay sa usa ka Verginia Malusay Leguid, 72, diin nani-on sab sumala pa kini sa iyang pusil nga nakita mismo sa anak ni Virginia.
Gisikop gilayon ang maong pulis ug nakuha sa posisyon ang iyang isyu nga armas nga usa ka 9mm caliber pistol (Taurus), duha ka magazine nga dunay 28 ka mga buhing bala.
Bisan tuod nga wala nagpabuto ang nahisgutan sa iyang armas, pasakahan pa gihapon kini ug reklamo sanglit pursigido ang mga reklamante nga iduso ang kaso.
