Nagpagula og bag-ong direktiba si Philippine National Police (PNP) Chief PGen. Nicolas Torre III nga kuhaan og service firearm ang mga pulis nga mapakyas sa proficiency standards sa pagpabuto sa ilang pusil.
Kini ang pahimangno sa Chief PNP human niini ipahibalo sa usa ka interbyu ang umaabot nga eksaminasyon alang sa mga pulis sa sunod bulan.
Matod niya, sugdan ang maong eksaminasyon gikan sa mga top leadership positions paingon sa mga patrolman.
Sa usa ka punto sa interbyu, iyang gibutyag nga daw nagkomedya siya apan seryoso nga kung mapakyas ang pulis sa proficiency test, ilisan niya og sundang ang ilang pusil.
Samtang, himuon na usab nga usa sa mga basihanan sa promosyon sa PNP ang marksmanship sa mga pulis, gawas pa sa daan nang mga pamalaod nga naglakip sa kadaghan sa nadakpan ug sa pagkamaayo sa physical fitness sa ilang han-ay.
