Patay ang usa ka myembro sa kapulisan human nga nadisgrasya kini sa iyahang gisakyan nga motorsiklo kagahapon sa buntag sa Tagum City.
Subay sa report gikan sa Davao del Norte Police Office, giila ang biktima nga si Patrolman Albert Talic, residente sa Panabo City ug nadestino sa 2nd Mobile Force Company sa nasampit nga probinsya.
Sa inisyal nga imbistigasyon, nahitabo ang disgrasya pasado alas Singko kagahapon sa buntag sa Visayan Village, dakbayan sa Tagum samtang nagmaeho kini sa iyahang motorsiklo.
Sumala pa sa kapulisan nga nawad-an sumala pa og kontrol ang biktima sa manobela hinungdan nga nabangga kini sa punuan usa ka palm tree.
Gilayon usab nga girespondehan ang maong panghitabo ang biktima gidala sa Davao Regional Medical Center apan gideklara na kining nakabsan na sa iyahang kinabuhi gumikan sa nahitbao.
Sa pagkakaron, hilabihan ang pagbangutan sa pamilya sa biktima, samtang nanawagan usab kini sa nitizen nga nakakuha og hulagway sa maong panghitabo nga i-take down tungod sa kasakit nga gibati karon sa ilahang kabanay.
