Nakuhaan ug video ang usa ka personahe sa pulis nga mikatkat sa ibabaw sa KOJC Cathedral, usa sa dihang misaka na kini, kalit kining nahulog hinungdan nga nalangkat ang bahin sa atop sa maong Cathedral.
Atol kana sa padayon nilang pagpangita kang Pastor Apollo Quiboloy, nga sumala pa hinungdan nganong mikatkat ang usa ka pulis sa ibabaw nga bahin sa Cathedral, mao ang pag subay sa tubo niini nga anaa sa likod sa KOJC Cathedral Lounge.
Sumala pa nga gisuspetsahan sa mga pulis na usa daw kini ka exhaust pipe kon agianan sumala pa sa hangin nga nakakonekta sa bunker nga maoy ginataguan sa Pastor maong ila dayon kining gihulbot.
Apan nasuta kini nga sayop gihapon ang ilahang pagtagna-tagna.
Nasayran nga ang Cathedral maoy ginabalik-balikan sa mga otoridad, gumikan aduna sumala pay heartbeat nga na detect gamit ang ilahang aparatu.
