DAVAO CITY – Abli sumala pa ang City Transport and Traffic Management Office (CTTMO) sa mga suhestiyon gikan sa mga residente kalabot sa ilang gipatuman karon nga experimental truck ban sa siyudad.
Matud pa kang CTTMO Head retired Senior Superintendent Dionesio Abude nga usa ka store owner ang mireklamo gumikan kay nakababag sumala pa ang mga dagkong sakyanan sa gawas sa ilang tindahan.
Hinuon gitino ni Abude nga gimonitor sab nila ang mamahimong epekto sa truck ban ngadto sa mga commuters ug kung makatabang ba kini aron nga dali nga makaabot ang mga nahisgutan sa ilang destinasyon.
Himuon sumala pa nila nga basehan ang mamahimong reklamo o kung adunay kinahanglan nga bag-ohon sa gipatuman nga experimental truck ban.
Kahinumduman nga gisugdan kini kaniadtong Marso 1 ug molungtad hangtud sa Mayo 21 diin naka-focus kini sa tulo ka mga lugar sa siyudad nga gilangkuban sa Catalunan Pequeno, Toril, ug Bunawan ning dakbayan sa Davao.
Sa kasamtangan, aduna sumala pa kini kaayohan sa uban gumikan kay aduna sumala pay moadto sa ilang buhatan aron mangutana kalabot sa mga schedule sa experimental truck ban.
Gitino sa opisyal nga dili sumala pa kalakip sa ban kadtong mga truck nga adunay karga nga mga pagkaon nga daling madaut, basura ug gasolina.
