Nanawagan ang Police Safety and Security Office (PSSO) ngadto sa mga Dabawenyos lakip na sa mga turista nga ipraktis kanunay ang “culture of security” sa Davao City aron nga mamahimong magmalinawon, malipayon ug mauswagon ang selebrasyon.
Subli sab nga nagpahinumdum si PSSO Acting Operations and Coordination Officer Ret. Major Jose Daniel Kimpo ang matag usa pinaagi sa pulong nga “Kapag may nakita, dapat magsalita!”, nga nagpasabot nga ang maigmaton nga publiko maoy kinahanglan isip pagpatuman sa “security measures”.
Ang Kadawayan festival karong tuiga dunay tema nga “A Festival Rooted in Culture and Heritage,” opisyal nga giabrihan kagahpong adlawa, Agosto 7 ning tuiga pinaagi sa Misa Pasasalamat ug molungtad hangtud Agosto 31 diin sa maong selebrasyon, dunay Grand Kadayawan Weekend sa Agosto 15 hangtud 17 ning tuiga.
