DAVAO CXITY – Gipasalig ni Public Safety and Security Command Center (PSSCC) head Angel Sumagaysay nga andam pa kanunay nga ipatuman ang seguridad sa dakbayan bisan unsa pa man ang mamahimong status niini karong panahon sa quarantine.
Tipik lamang ang pahayag sa opisyal sa migula nga impormasyon nga ibalik ang siyudad sa General Community Quarantine (GCQ) gikan sa kasamtangan nga status niini nga Modified General Community Quarantine (MGCQ).
Sumala pa kang Sumagaysay, walay mamahimong problema sa pagpatuman sa guidelines ilalom sa GCQ ug mas tutokan nila karon ang mga barangay nga gipailalom sa lockdown kini aron nga mapugngan ang pagkatag sa covid-19 sa uban pang lugar sa siyudad.
Una na sab nga nasayran kang Sumagaysay nga anaa sa kapin 4,000 ang nasikop nga mga violators sa dakbayan sukad nga gipatuman ang lockdown kaniadtong bulan sa Marso.
