DAVAO CITY – Nakahan-ay na ang mga aktibidad karon nga bulan sa buhatan sa local civil registrar ug sa Philippine Statistic Authority (PSA) aron sa pagdasig sa katawhan nga magpa rehistro sa ilang birth certificate.
Kini ang gibutyag ni Ruben D. Abaro Jr., ang Regional Director sa Philippine Statistic Authority (PSA) Region XI.
Gipasabot ni Abaro ang kamahinungdanon sa pag parehistro dili lamang sa matag indibidwal apan lakip na usab sa lokal nga kagamhanan.
Gikanayon usab ni Adaro nga pinaagi sa mga dokumneto sa civil registrar, makatabang kini sa pag generate ug statistics sama sa ihap sa mga kabataan ug sa pagsuta sa ilang nag-unang panginahanglan sama sa edukasyon diin mahinbal-an usab kung pila ka mga magtutudlo ang gikinahanglan sa sunod nga mga katuigan.
Gawas sa civil registration, gilantaw usab karon sa buhatan nga magbaton ug mobile registration labi na gyud sa mga kaigsoonang Indigenous People (IPs) nga kasagaran, walay rehistro.
Gidasig usab si Abaro nga dili lamang sa birth registration apan apil na usab ang death certification aron nga masuta usab sa buhatan sa Department of Health ug City Health Office ang hinungdan ang kamatayon sa usa ka indibidwal.
