DAVAO CITY – Nanawagan ang regional director sa Philippine Statistics Authority (PSA) 11 nga si Pepito Amoyen, ngadto sa publiko nga ipahibalo gilayon sa ilang buhatan sa higayon nga adunay maningil ug bayad sa Philsys ID.
Sumala sa opisyal nga libre ang pre-registration phase alang sa Philippine System (philsys ID) ug walay bayad usab ang mismong ID nga ihatag sa usa ka indibidwal.
Tipik lamang ang pahayag ni Amoyen human nga nakadawat sila ug impormasyon nga adunay naningil ug P30 pesos alang sa pre-registration.
Gitino sa opisyal nga walay singlon niini ang ahensiya ug dili sumala pa sila basta-basta nga mosulod sa usa ka lugar kung walay courtesy call nga himuon ang ilang mga sakop ngadto sa barangay.
Kahinumduman nga karong Nobyembre 25 ning tuig kasamtangan target nga sugdan sa ahensiya ang registration samtang sa Enero 30 hangtud Marso 30, 2021 ang registration alang sa mga extra adults.
