DAVAO CITY – Andam na ang Philippine Statistics Authority (PSA) 11 sa ipahigayon nga pre-registration sa Philippine Identification System (PHILSYS) karong taliabot nga Oktubre 12, 2020.
Una ng gibutyag sa Philippine Statistics Authority (PSA) nga mukabat 9 million ang target sa National ID system diin 5 milyon sa nahisgutan nga ihap ang mga kabus libre nga i-rehistro.
Sumala pa kang Pepito Amoyen, officer in charge sa PSA-11, nga base sa ilang datus anaa sa 138,177 ang kinahanglan nga irehistro sa Davao del Norte; 276,603 ang sa Davao del Sur ug Davao; 169, 325 ang sa Davao de Oro ug 201,284 ang sa Davao Occidental.
Gikanayong kuhaon sa National ID ang demographic information ug biometric sa usa ka indibidwal.
Dakong tabang sumala pa kini aron nga dali na lamang ang transaksiyon sa mga buhatan ilabi na sa gobyerno.
Gipasalig sab sa PSA nga protektado ang impormasyon sa usa ka tawo sa maong ID. Nasayran nga dinhi sa Mindanao,bugtong ang Davao region lamang ang nahilakip sa pre-registration.
