DAVAO CITY – Nagpadala og tabang ang Police Regional Office 11, alang sa mga biktima sa bagyong Paeng sa Bangsamoro Autonomous Region in Muslim Mindanao kon BARMM.
Gipahigayon kagahapon sa buntag ang send off ceremony sa PRO 11 Pulis Bagani Hall, Camp Sgt Quintin M Merecido, Buhangin, Davao City, alang sa usa ka Police Platoon nga maoy magdeliver sa groceries, potable water ug hygiene kit alang sa kapin kon kulang ka pamilya nga apektado sa bagyong Paeng.
Sumala kang PROXI Regional Community Affairs Development Division Chief Police Colonel Narciso Bayugo, ang maong lakang pagpakita ug suporta aron matabangan nga makabangon ang BARMM.
Gawas sa suporta, kabahin usab ang maong lakang sa PNP’s Kaayusan program nga MKK-K o Malasakit, Kaayusan, Kapayapaan tungo sa Kaunlaran, diin dugay na matod pa kining nahimong proyekto sa PRO11, ang pagtabang sa ubang rehiyon nga apektado sa bagyo ug uban pang kalamidad.
