Gilusad karong adlawa Hulyo 6,2026 sa Roxas Freedom Park ang usa ka protesta sa nagkadaiyang progresibong grupo atol sa pagsugod sa unang adlaw sa impeachment trial batok kang Vice President Sara Duterte.
Gipangunahan ang kalihokan sa Kabataan Partylist, Bagong Alyansang Makabayan (Bayan), ug uban pang alyadong organisasyon.
Matud sa mga tig-organisar, ang ilang pagtapok nagtinguha sa pagpasabot sa panawagan sa hustisya ug pagpanubag sa mga alegasyon batok sa Bise Presidente, ug pagpahimangno usab sa mas lapad nga isyu sa gobyerno.
Dugang pa nila nga dili lamang si VP Sara ang adunay tulubagon, kondili lakip nausab ang kasamtangang administrasyon sa nasud sa mga isyung gipunting sa publiko.
Hinuon,walay natala nga kagubot ug nahimong malinawon nga nahuman ang maong kalihokan.
