DAVO CITY – Gimando hukmanan nga pugngan ang paggamit sa daghanan nga mga bank accounts ug uban pang assets Kabus Padatuon (KAPA) Community Ministry International Inc. ni Pastor Joel Apolinario.
Gipagula sa Court of Appeals ang freeze order niadto pang Hunyo 4, gumikan sa giduso nga petisyon sa securities and exchange commission (SEC) ug sa Anti-Money Laundering Council (AMLC).
Pinasikad sa gipagula nga talaan sa KAPA ang simbahan dunay 29 ka mga matang sa negosyo pipila niini mao ang eskwelahan, plantasyon, kan-anan, bangko, gasolinahan, FM Station, minahan, hospital, humayan, mga tinahan, plywood production ug housing unit.
Sa wala pa ang pagpasira sa KAPA, gibakwi na sa SEC ang registration sa KAPA ug wala kini giila nga usa ka entity gumikan sa wala niini pagtamod sa mga regulasyon, particular ang wala niini paglukad ug secondary certificate alang sa pakiglambigit niini sa investment scheme.
