DAVAO CITY- Nagtinguha ang 39th Infantry Battalion kauban ang Youth for Peace Movement sa Davao del Sur nga palapdan pa ang serbisyo niini ngadto sa paghatag og edukasyon sa mga kabus nga mga tinun-an ilawom sa Geographically Isolated and Disadvantage Areas kon GIDAS.
Usa sa makabenepisyo niini mao ang Sitio Sultana, Barangay Dongan Pekong, Matanao, Davao del sur diin pangunahan kini mismo sa mga volunteer teachers gikan sa Youth for Peace-Davao del Sur chapter kinsa miagi sa pagbansay-bansay sa alternatibong edukasyon ilalom sa DepEd Sensitivity Training gikan sa National Commission on Indigenous Peoples and Council of Elders.
Sa pikas bahin, nagpadayag sa iyang dakong pagpasalamat si Lieutenant Col. Ezra Balagtey ngadto sa mga nagkadaiyang ahensiya nga misuporta sa maong proyekto.
VIA|| Danica Baguio
